اربط متجرك في زد مع سرداب عشان طلبات زد تنزل عندك تلقائيًا وتتجهّز من المستودع.
قبل ما تبدأ: خلّك مسجّل دخول في سرداب بنفس المتصفح لين تخلص. رجعة زد تعتمد على جلستك، ولو طلعت منها يفشل الربط.
1. افتح «التجارة الإلكترونية» ← «قنوات البيع» من القائمة الجانبية، ودوّر على كرت Zid في «قنوات البيع المتاحة».
2. اضغط «إتصل»، وفي تبويب زد اللي يفتح سجّل دخولك بحساب متجرك ووافق على الأذونات.
3. ارجع لصفحة «قنوات البيع» وتأكد إن كرت زد صار مكتوب عليه «متصل».
زين تعرف
«فشل الاتصال. حاول مرة اخرى» تطلع لأي سبب فشل بدون تفاصيل. أعد المحاولة من البداية، ولو تكررت كلّم الدعم.
كرت متصل ومعه تنبيه؟ المفاتيح داخل زد مو عندنا: اضغط «افتح زد»، فعّل سرداب في إعدادات الشحن وشغّل الإرسال التلقائي للطلبات ومزامنة المنتجات.
ما فيه زر لفصل المتجر من داخل سرداب. لو بغيت توقف الربط، احذف تطبيق سرداب من متجرك في زد.